05.04.2026 | 19:49
Հույս ունեմ, որ այս գիշեր «Բուշեր» օդանավակայանից տարհանված աշխատակիցները կհասնեն Հայաստան․ «Ռոսատոմ»-ի ղեկավար
Իրանը հարյուրավոր հրթիռներ է պատրաստել Իսրայելի կամ ԱՄՆ-ի հարվածի դեպքում օգտագործելու համար․ NYT
Քաղաքականություն
02.10.2024 | 11:44
Իրանը հարյուրավոր հրթիռներ է պատրաստել, որոնք կարող է օգտագործել, եթե Իսրայելը կամ ԱՄՆ-ը պատասխան հարված հասցնեն։ Այս մասին գրում է New York Times-ը՝ վկայակոչելով Իսլամական հեղափոխության պահապանների կորպուսի (ԻՀՊԿ, Իրանի զինված ուժերի էլիտար ստորաբաժանումներ)՝ իրավիճակին ծանոթ երկու աղբյուրների։
«Իրանցի զինվորականները հարյուրավոր հրթիռներ են պատրաստել արևմտյան սահմաններից արձակելու համար, եթե Իսրայելը կամ նրա հիմնական դաշնակիցը՝ ԱՄՆ-ը, պատասխան հարված հասցնեն»,- աղբյուրների խոսքերն է մեջբերում ամերիկյան պարբերականը։
Նախօրեին Իսրայելի պաշտպանության բանակի մամուլի ծառայությունը հայտնել էր, որ Իրանը մոտ 180 հրթիռ է արձակել հրեական պետության ուղղությամբ, որոնցից շատերը որսացել են։ Այդուհանդերձ, սոցցանցերում հրապարակված տեսանյութերում երևում է, թե ինչպես են հրթիռներն ընկնում երկրի տարբեր հատվածներում։
Իսրայելի տարածքի վրա հարձակման հետևանքով մեկ մարդ է զոհվել, ըստ իսրայելական կողմի՝ անօրինական ներգաղթյալ Գազայի հատվածից։ Շտապօգնության ծառայությունը հայտնել է մի քանի անձանց բեկորային վնասվածքներ ստանալու մասին։
Թարգմանությունը՝ Տաթև Ֆռանգյանի
