18.07.2026 | 22:57
Երևանի Մուրացանի փողոցում տեղի ունեցած միջադեպի վայրում դի է հայտնաբերվել
Պենտագոնն ավելի քան 2 միլիարդ դոլար է հատկացրել նոր միջուկային մարտագլխիկներով հրթիռների արտադրության համար
Քաղաքականություն
01.10.2024 | 21:19
ԱՄՆ Խաշտպանության նախարարությունը Trident II D5 միջմայրցամաքային բալիստիկ հրթիռներ է պատվիրել՝ նոր Warhead 93/Mark7 միջուկային մարտագլխիկներով։ 2,1 մլրդ դոլարի պայմանագիր է կնքվել պաշտպանական արդյունաբերական Lockheed Martin կորպորացիայի հետ։ Ծրագիրը պետք է ավարտվի մինչև 2029 թվականի սեպտեմբերի 30-ը և ենթադրում է նաև այդ զինատեսակների մատակարարում Մեծ Բրիտանիային, հաղորդում է Պենտագոնի մամուլի ծառայությունը։
Միաժամանակ, գերատեսչությունը Lockheed Martin-ին հատկացրել է 1,16 մլրդ դոլար՝ Trident II հրթիռների և սուզանավերի վրա նավիգացիոն հանգույցների տեղադրման համակարգերի մշակման համար։ Ծրագրի ավարտման ամսաթիվն է 2031 թվականի սեպտեմբերի 29-ը։
Բացի այդ, Պենտագոնը 6,9 միլիարդ դոլար արժողությամբ փոքր տրամաչափի ռումբերի արտադրության պայմանագիր է կնքել Boeing-ի հետ՝ Ուկրաինային, Բուլղարիային և Ճապոնիային մատակարարելու համար։ Ընկերությունը պետք է ավարտի աշխատանքը մինչև 2035 թվականի դեկտեմբերի 31-ը:
Թարգմանությունը՝ Տաթև Ֆռանգյանի
