23.06.2026 | 10:59
Հորմուզի նեղուցը կկառավարվի Թեհրանի կողմից․ ԱՄՆ-ի հետ կապի գիծ կստեղծվի․ Ղալիբաֆ
Գերմանիայի կանցլերը պատրաստվել է երկու տարվա ընթացքում առաջին անգամ զանգահարել Պուտինին
Քաղաքականություն
01.10.2024 | 18:23
Գերմանիայի կանցլեր Օլաֆ Շոլցը ծրագրում է առաջիկա շաբաթներին զանգահարել Ռուսաստանի նախագահ Վլադիմիր Պուտինին, Die Zeit-ին հայտնել են Գերմանիայի կառավարության աղբյուրները։
Ըստ նրանց՝ հեռախոսազանգը դեռևս պաշտոնապես չի պահանջվել Կրեմլից, սակայն Շոլցի շրջապատում ակնկալում են հեռախոսազրույց ՌԴ նախագահի հետ G20-ի գագաթնաժողովից առաջ, որը տեղի կունենա նոյեմբերին Բրազիլիայում։ Եթե զրույցը կայանա, Շոլցը կլինի առաջին եվրոպացի առաջնորդը՝ բացառությամբ Հունգարիայի վարչապետ Վիկտոր Օրբանի, որը վերջին մեկուկես տարվա ընթացքում ուղղակիորեն կապ է հաստատել Պուտինի հետ։
Շոլցի և Պուտինի նախորդ հեռախոսազրույցը տեղի է ունեցել 2022 թվականի դեկտեմբերին։
Հունիսին Շոլցը ARD հեռուստատեսության եթերում ասել է, որ կզանգահարի Ռուսաստանի նախագահին, եթե «խոսելու բան լինի»:
Թարգմանությունը՝ Տաթև Ֆռանգյանի
