13.12.2024 | 13:35
Պետք է լուծում տալ թափառող շների խնդրին ողջ հանրապետությունով․ ՏԿԵՆ-ում մարզպետների մասնակցությամբ խորհրդակցություն է անցկացվել
Ճապոնիան նոր վարչապետ ունի
Քաղաքականություն
01.10.2024 | 15:05
Ճապոնիայի խորհրդարանն իշխող Լիբերալ-դեմոկրատական կուսակցության ղեկավար Սիգերու Իսիբային հաստատել է երկրի նոր վարչապետի պաշտոնում, հայտնում է VOA-ն։
Իսիբայի նախորդը՝ կուսակցության նախագահ և Ճապոնիայի վարչապետ Ֆումիո Քիշիդան, հրաժարական է տվել սկանդալների, այդ թվում՝ կոռուպցիայի պատճառով։ Նա երկու պաշտոններում էլ ծառայել է շուրջ երեք տարի, որի ընթացքում երկրում նրա վարկանիշը 50%-ից նվազել է 16%-ի։ Դրան զուգահեռ, նվազել է Լիբերալ-դեմոկրատական կուսակցության վարկանիշը, որն իշխում է Ճապոնիայում Երկրորդ համաշխարհային պատերազմից հետո գրեթե անընդհատ։
Իսիբան խոստացել է շարունակել Քիշիդայի քաղաքականությունը՝ պայքարել գնանկման դեմ, առաջ քաշել բարձր աշխատավարձերի հարցը, հակազդել ծնելիության անկմանը, կանգնեցնել բնակչության թվի նվազումը և Ճապոնիան դարձնել ավելի դիմացկուն բնական աղետների նկատմամբ:
Ավելի վաղ նա նաև առաջարկել էր ստեղծել ՆԱՏՕ-ի ասիական տարբերակը և ավելի շատ քննարկել տարածաշրջանային գործընկերների ու ԱՄՆ-ի հետ ամերիկյան միջուկային ներուժի օգտագործման հարցը։
Թարգմանությունը՝ Տաթև Ֆռանգյանի
