21.12.2025 | 22:02
Ֆուտզալի Հայաստանի հավաքականը հաղթեց Մոլդովային
ԱՄՆ-ը հայտարարել է, որ Իսրայելի «սահմանափակ գործողությունները» նրա ինքնապաշտպանության իրավունքի սահմաններում են
Քաղաքականություն
01.10.2024 | 13:43
Սպիտակ տան Ազգային անվտանգության խորհուրդը հայտարարել է, որ Իսրայելի «սահմանափակ գործողությունները»՝ ոչնչացնելու լիբանանյան «Հըզբոլլահ»-ի ենթակառուցվածքը սահմանի մյուս կողմում, համահունչ են երկրի ինքնապաշտպանության իրավունքին, գրում է AP-ն։
Ազգային անվտանգության խորհուրդը, սակայն, նախազգուշացրել է, որ այդ գործողության ընդլայնումը ռիսկային է։
Նշվում է, որ դիվանագիտական լուծումը միակ ուղին է՝ հասնելու կայուն կայունության Լիբանանի հետ Իսրայելի սահմանին:
«Գործողությունը համապատասխանում է իր քաղաքացիներին պաշտպանելու և խաղաղ բնակիչներին իրենց տներ անվտանգ վերադարձնելու՝ Իսրայելի իրավունքին: Մենք սատարում ենք «Հըզբոլլահ»-ից և Իրանի կողմից աջակցվող բոլոր ահաբեկչական խմբավորումներից ինքնապաշտպանվելու՝ Իսրայելի իրավունքը: Իհարկե, մենք գիտենք, որ այդ առաքելության ընդլայնումը կարող է ռիսկային լինել, և մենք կշարունակենք քննարկել այդ հարցը իսրայելցիների հետ»,- ասվում է հայտարարությունում։
Թարգմանությունը՝ Էմմա Չոբանյանի
