21.02.2026 | 20:00
Ինչպես է Հայաստանն առաջին անգամ ստացել UWW-ի մրցաշար անցկացնելու հնարավորություն․ զրույց Վլադիմիր Հովհաննիսյանի հետ
Բելառուսում ավիացիայի և հակաօդային պաշտպանության մարտունակության ստուգումներ են սկսվել
Քաղաքականություն
30.09.2024 | 22:45
Բելառուսի Պաշտպանության նախարարությունը հայտարարել է կազմավորումների և զորամասերի ստուգումների մեկնարկի մասին՝ հիմնական ուշադրությունը կենտրոնացնելով ռազմաօդային և հակաօդային պաշտպանության ուժերի պատրաստվածության վրա, փոխանցում է BBC-ի ռուսական ծառայությունը։
«Անձնակազմը, այդ թվում՝ պահեստազորից զորակոչված զինվորական ծառայության համար պատասխանատուները, պետք է իրականացնեն զենքի, ռազմական և հատուկ տեխնիկայի օգտագործման համար պատրաստելու միջոցառումների ամբողջ շարքը, ինչպես նաև մեկնեն նշանակված տարածքներ»,- ասվում է Բելառուսի ՊՆ հայտարարության մեջ։
«Բելառուսական Գայուն» նախագծի համաձայն՝ ստուգմանը կարող են մասնակցել երկու զենիթահրթիռային և երկու ռադիոտեխնիկական բրիգադներ, հինգ զենիթահրթիռային գնդեր և երեք ավիացիոն բազաներ։
Օգոստոսին Ուկրաինայի հետ սահմանակից Բելառուսի Բրեստի մարզում տեղի են ունեցել ՆԳՆ «Ստոլին-2024» զորավարժությունները, ինչպես հայտնել են գերատեսչությունից՝ «հաշվի առնելով իրավիճակը» Ռուսաստանի Կուրսկի մարզում։
Թարգմանությունը՝ Տաթև Ֆռանգյանի
