19.12.2025 | 21:15
Գարեգին Բ-ն մտադիր չէ հեռանալ․ քաղաքական գնահատականներ՝ Մայր Աթոռում տեղի ունեցածի շուրջ
Իրանը հայտարարել է, որ «Հըզբոլլահ»-ի առաջնորդի սպանությանը պատասխան է պատրաստում
Քաղաքականություն
30.09.2024 | 20:00
Իրանը միանշանակ կարձագանքի լիբանանյան «Հըզբոլլահ» շարժման առաջնորդ Հասան Նասրալլայի մահվանը։ Այս մասին հայտարարել է Իրանի բանակի գլխավոր հրամանատար, գեներալ-մայոր Աբդուլրահիմ Մուսավին, հայտնում է Mehr-ը։
«Սպասե՛ք պատասխանի»,- ասել է նա՝ մեկնաբանելով Բեյրութին Իսրայելի հարվածներին Իրանի հնարավոր պատասխանի մասին հարցը։
Մուսավին հավելել է, որ «նահատակ Նասրալլայի արյունը կարագացնի Իսրայելի ռեժիմի և նրա առաջնորդների անկումը»։
Իր հերթին, Իրանի նախագահ Մասուդ Փեզեշքիանը նախօրեին հայտարարել էր, որ «սիոնիստական ռեժիմի հանցագործությունները չեն կարող ընդունելի լինել և անպատասխան չեն մնա»։
Հիշեցնենք՝ սեպտեմբերի 28-ին «Հըզբոլլահ»-ը պաշտոնապես հաստատեց իր առաջնորդ Հասան Նասրալլայի մահը։ Նա սպանվել է իսրայելցի զինվորականների կողմից օգտագործված հակաբունկերային ռումբերից։
Թարգմանությունը՝ Տաթև Ֆռանգյանի
