27.05.2026 | 11:33
ՌԴ-ից պաշտոնական նամակ չենք ստացել. ՏԿԵՆ-ը՝ «Կոմերսանտի» հրապարակման մասին
Բորելը ԵՄ ԱԳ նախարարների արտակարգ նիստ է հրավիրել Լիբանանում տիրող իրավիճակի վերաբերյալ
Քաղաքականություն
30.09.2024 | 18:31
Լիբանանում իրավիճակի սրման պատճառով եվրոպական դիվանագիտության ղեկավար Ժոզեպ Բորելն արտաքին գործերի նախարարների մակարդակով արտակարգ նիստ է հրավիրել Եվրամիության (ԵՄ) արտաքին գործերի խորհրդում։ Այս մասին հայտնել է նրա պաշտոնական ներկայացուցիչ Պետեր Ստանոն։
Հանդիպումը կսկսվի այսօր տեղական ժամանակով 17:00-ին և կանցկացվի տեսակոնֆերանսի ձևաչափով: ԵՄ արտաքին ծառայության խոսնակն ընդգծել է, որ սա ոչ պաշտոնական հանդիպում է, և դրա արդյունքում պաշտոնական որոշումներ չեն սպասվում։
«Բայց նախարարները հնարավորություն կունենան քննարկելու, թե ինչ են ցանկանում անել ապագայում Իսրայելի, Լիբանանի և հետագա իրադարձությունների հետ կապված, ինչպես նաև համագործակցության և օգնության առումով»,- ճեպազրույցում պարզաբանել է Ստանոն։
Սեպտեմբերի 27-ին իսրայելական հրթիռային հարձակման հետևանքով զոհվել է լիբանանյան «Հըզբոլլահ» շարժման ղեկավար Հասան Նասրալլան։ Նա կազմակերպությունը ղեկավարում էր 32 տարի։ Հաջորդ օրը պաղեստինյան ՀԱՄԱՍ շարժումը, որը պայքարում է Իսրայելի դեմ 2023 թվականի հոկտեմբերից, հայտարարել է Լիբանանի հետ Իսրայելի դեմ միասնական ճակատ ստեղծելու մասին։
Թարգմանությունը՝ Տաթև Ֆռանգյանի
