18.07.2026 | 22:57
Երևանի Մուրացանի փողոցում տեղի ունեցած միջադեպի վայրում դի է հայտնաբերվել
Ռուսաստանում զինվորական ծառայության կզորակոչվի 133 հազար նորակոչիկ
Քաղաքականություն
30.09.2024 | 17:12
ՌԴ-ում աշնանային զորակոչի ընթացքում, որը տեղի կունենա 2024 թվականի հոկտեմբերի 1-ից դեկտեմբերի 31-ը, զինվորական ծառայության կզորակոչվի 133 հազար մարդ։ ՌԴ նախագահ Վլադիմիր Պուտինի համապատասխան հրամանագիրը հրապարակվել է սեպտեմբերի 30-ին՝ իրավական տեղեկատվության պաշտոնական պորտալում, փոխանցում է DW-ի ռուսական ծառայությունը։
18-ից 30 տարեկան Ռուսաստանի Դաշնության այն քաղաքացիները, ովքեր ռեզերվում չեն և ենթակա են զորակոչի, կզորակոչվեն, նշվում է փաստաթղթում։ Նույն հրամանագրով՝ զինվորական ծառայությունից ազատվում են զինվորականները, նավաստիները, սերժանտները և ավագները, որոնց ծառայության ժամկետը լրացել է։ Հրամանագիրն ուժի մեջ է մտել հրապարակման օրվանից։
ՌԴ ԶՈւ գլխավոր շտաբը խոստացել էր, որ ժամկետային զինծառայողներ չեն ուղարկվի ճակատ՝ Ուկրաինայի դեմ ռազմական գործողություններին մասնակցելու։ Ժամկետային զինծառայողները չեն ուղարկվի Ռուսաստանին բռնակցված ուկրաինական շրջաններ, ասվում է Գլխավոր շտաբի գլխավոր կազմակերպչական և մոբիլիզացիոն վարչության պետի տեղակալ Վլադիմիր Ցիմլյանսկու հայտարարության մեջ։
«Զորակոչի ժամկետը չի փոխվի և կկազմի 12 ամիս, իսկ հավաքակայաններից զորակոչիկների գործուղումը նախատեսվում է 2024 թվականի հոկտեմբերի 15-ից»,- հավելել է նա։
Թարգմանությունը՝ Տաթև Ֆռանգյանի
