01.06.2026 | 22:54
Ինչպես հայտագրել առաջին դասարանցիներին
Շուրջ 100,000 մարդ Լիբանանից փախել է Սիրիա. ՄԱԿ
Քաղաքականություն
30.09.2024 | 17:50
Լիբանանի «Հըզբոլլահ» շարժման դեմ Իսրայելի ռազմական գործողության մեկնարկից ի վեր երկրից շուրջ հարյուր հազար մարդ փախել է հարևան Սիրիա։ Այս մասին հայտարարել է ՄԱԿ-ի փախստականների հարցերով գերագույն հանձնակատար Ֆիլիպո Գրանդին, փոխանցում է DW-ի ռուսական ծառայությունը։
Նրա խոսքով՝ սահման ժամանող մարդկանց հոսքը չի դադարել։ ՄԱԿ-ի աշխատակիցները գտնվում են Սիրիայի սահմանին չորս անցակետերում և օգնում են նոր ժամանողներին, տեղի իշխանությունների և Կարմիր մահիկի աշխատակիցների աջակցությամբ, հավելել է Գրանդին։
Նշվում է, որ փախստականների շուրջ 60%-ը սիրիացիներ են, մնացած 40%-ը՝ լիբանանցիներ։
Ավելի վաղ Լիբանանի վարչապետ Նաջիբ Միքաթին հայտարարել էր, որ Իսրայելի ավիահարվածների մեկնարկից հետո իրենց տները լքած մարդկանց թիվը մոտեցել է մեկ միլիոնի։ Նա դա անվանել է «լիբանանյան պատմության մեջ մարդկանց ամենամեծ տեղաշարժը»:
Թարգմանությունը՝ Տաթև Ֆռանգյանի
