13.12.2024 | 14:42
Վարչապետը ժամանել է Մոսկվա
Նորվեգիան կարող է պարիսպ կառուցել Ռուսաստանի հետ սահմանին
Քաղաքականություն
30.09.2024 | 15:36
Նորվեգիայի իշխանությունները դիտարկում են Ռուսաստանի հետ սահմանին ցանկապատի կառուցման հնարավորությունը, ինչպես դա արել է Ֆինլանդիան։ Այս մասին հայտարարել է Նորվեգիայի արդարադատության նախարար Էմիլի Էնգեր Մելը, փոխանցում է VOA-ն։
Նրա խոսքով՝ պարիսպը կարող է տեղադրվել ամբողջ 198 կիլոմետրանոց ցամաքային սահմանի երկայնքով կամ դրա մի մասում:
«Սահմանային այս պարիսպը շատ հետաքրքիր է ոչ միայն այն պատճառով, որ կարող է զսպող միջոց լինել, այլ նաև այն պատճառով, որ պարունակում է սենսորներ և տեխնոլոգիաներ, որոնք կարող են հայտնաբերել սահմանին մոտեցող մարդկանց»,- ասել է Մելը:
Պաշտոնյան նշել է նաև, որ Նորվեգիայի իշխանությունները դիտարկում են այլ միջոցներ ևս, ներառյալ՝ սահմանապահների թվի ավելացումը և հսկողության ուժեղացումը Ստորսկոգ ավտոմոբիլային միակ անցակետում։
Թարգմանությունը՝ Տաթև Ֆռանգյանի
