11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Արցախյան 44-օրյա պատերազմի մասնակից ադրբեջանցիներ են մահացել
Քաղաքականություն
30.09.2024 | 22:58
Ադրբեջանում Արցախի դեմ սանձազերծած 44-օրյա պատերազմի մասնակիցներ են մահացել։ Ադրբեջանական լրատվամիջոցների հաղորդմամբ՝ նախօրեին Բիլասուվարի շրջանում սրտի կաթվածից 40 տարեկանում մահացել է պատերազմի մասնակից Ջալալ Ռահիմովը։
Ռահիմովը 2005 թվականին ավարտել է Հեյդար Ալիևի անվան բարձրագույն ռազմական դպրոցը։ Նա երկար տարիներ ծառայել է ադրբեջանական բանակում, այդ թվում՝ առաջնագծում։ Պարգևատրվել է բազմաթիվ շքանշաններով և մեդալներով։ 44-օրյա պատերազմի ժամանակ Ռահիմովը ղեկավարել է հրետանային ստորաբաժանում, մասնակցել է Վարանդայի, Տողի և Շուշիի գրավմանը։ Պատերազմից հետո շարունակել է ծառայել Շուշիում, որտեղ ղեկավարել է հրետանային դիվիզիան։ Մեկ տարի առաջ նա ուղարկվել է ռեզերվ։
Բացի այդ, մահացել է Արցախի դեմ 44-օրյա ագրեսիայի ևս մեկ մասնակից՝ Ազեր Միրզոևը (ծնված 1998 թ.), որը բնակվել է Մասալլի շրջանի Էրկիվան գյուղում։
Նախկին զինծառայողը երկար ժամանակ երիկամային անբավարարություն է ունեցել։ Նա մահացել է Մասալիի կենտրոնական շրջանային հիվանդանոցում։
Թարգմանությունը՝ Էմմա Չոբանյանի
