Քաղաքականություն
30.09.2024 | 13:29
Սեպտեմբերի 30-ի գիշերը ռուս զինվորականներն անօդաչու թռչող սարքերով հարձակվել են Կիևի վրա, Ուկրաինայի մայրաքաղաքում օդային հարձակման նախազգուշացումը տևել է ավելի քան հինգ ժամ, գրում է Current Time-ը։
Կիևը գրոհած բոլոր անօդաչու թռչող սարքերը խոցվել են հակաօդային պաշտպանության համակարգերի կողմից, հայտնել է տեղի ռազմական վարչակազմի ղեկավար Սերգեյ Պոպկոն։ Նրա խոսքով՝ ռուս զինվորականները «Շահեդ»-ներ են օգտագործել։ Նախնական տվյալներով՝ քաղաքում ավերածություններ կամ զոհեր չկան։
Ուկրաինական ռազմաօդային ուժերը հայտնել են, որ գիշերը Ուկրաինայի տարածքում խոցվել է 67 «Շահեդ» տեսակի հարվածային անօդաչու թռչող սարք և մեկ կառավարվող հրթիռ։
Միաժամանակ, ռուսական Բելգորոդի ղեկավարը հայտնել է շրջանի վրա անօդաչու թռչող սարքի հարձակման ժամանակ ինքնապաշտպանության ուժերի անդամի զոհվելու մասին։ Ըստ Վյաչեսլավ Գլադկովի՝ նաև մեկ բնակիչ է տուժել։
Թարգմանությունը՝ Տաթև Ֆռանգյանի
