09.09.2026 | 18:44
Ըստ Զատուլինի՝ ՀՀ-ի հետ առևտրատնտեսական հարաբերություններում «մեղմացում չի լինի, քանի դեռ Նիկոլ Փաշինյանը իշխանության է»
ՌԴ-ում հանդիպելու որոշումը Ալիևն ու Փաշինյանը պետք է կայացնեն․ Լավրով
Քաղաքականություն
30.09.2024 | 10:59
Ռուսաստանի Դաշնությունում BRICS-ի կամ ԱՊՀ-ի միջոցառումների ժամանակ Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի հանդիպման հնարավորության մասին որոշումն իրենցն է։ Ռուսաստանն իր հերթին պատրաստ է կատարել իր պարտավորությունները, հայտարարել է ՌԴ ԱԳ նախարար Սերգեյ Լավրովը ՄԱԿ-ի Գլխավոր վեհաժողովի 79-րդ նստաշրջանի բարձր մակարդակի շաբաթվան հաջորդած մամուլի ասուլիսում, փոխանցում է ՏԱՍՍ-ը։
«Ինչպես ասվում է, “It’s up to them” (որոշումն իրենցն է)»,- ասել է Լավրովը՝ պատասխանելով Ռուսաստանում առաջիկա իրադարձությունների, մասնավորապես, BRICS-ի կամ ԱՊՀ գագաթնաժողովի շրջանակում երկու երկրների ղեկավարների հանդիպման հնարավորության մասին հարցին։
«Եթե նրանք ցանկանում են հանդիպել, մենք միշտ պատրաստ ենք իրականացնել այն, ինչ պայմանավորվել ենք մեր մասնակցությամբ»,- նշել է նա։
Թարգմանությունը՝ Տաթև Ֆռանգյանի
