06.08.2026 | 21:47
Նախագահը ԹՈՒՄՈ-ի հիմնադիր Սամվել Սիմոնյանին է հանձնել ՀՀ պետական պարգևը
Մենք լավ թաղող ազգ ենք, բայց «Հայֆիլմում» ոտնատակ ենք տալիս Աբրահամյանի, Մկրտչյանի ժապավենները. Շարաֆյան. ՏԵՍԱՆՅՈՒԹ
Հաղորդաշարեր
28.09.2024 | 19:00
«Երևանում պետք չէ այսքան շենք կառուցել, Երևանը խեղդվում է, հնարավորություն չունի դրանք ընդունելու, փոխարենը կանաչ գոտիներ է պետք ստեղծել: Մեր մայրաքաղաքը փոխվել է, փողոցներ կան, որոնք նույնիսկ չեմ ճանաչում, փակվել են սրճարաններով ու ռեստորաններով: Երևանը կորցրել է իր գույնը, այն մեծերը, որ քայլում էին մեր քաղաքի փողոցով, գնացին ու նրանց տեղը թափուր մնաց»,- Factor TV-ի հետ զրույցում նշում է դերասան Լևոն Շարաֆյանը, որը տևական ժամանակ է` բնակություն է հաստատել Միացյալ Նահանգներում:
Դերասանը խոսում է նաև հայ կինոյից, «Հայֆիլմ» կինոստուդիայից, որը կորցրինք անվերադարձ: Նա շեշտում է` գեղարվեստական արժեքավոր ֆիլմեր այսօր քիչ են ստեղծվում. «Մենք ունեցել ենք ավանդույթներով «Հայֆիլմ», որը լավ ֆիլմեր է նկարել, չէ´ր կարելի քանդել, թալանել: Դրա վերականգնումն անհրաժեշտություն է»:
Նա շեշտում է`տարիների ընթացքում մեծ թվով կինոժապավեններ ցրտից, մթից պարզապես փչացան, որոշներն էլ` կորան. «Երբ վերջին անգամ գնացի «Հայֆիլմ» կինոստուդիա, լացս եկավ, տեսա`ոնց է այն քանդվել, հատակի կեսը, դռները չկային, ահավոր վիճակ էր: Ես տեսա Խորեն Աբրահամյանի, Մհեր Մկրտչյանի ֆոտոպրոբաների նկարները հատակին նետած, մարդիկ ոտնատակ էին տալիս դրանք, ո՞նց կարելի էր: Մենք չենք գնահատում մեր մեծերին, մենք լավ թաղող ազգ ենք»:
Մանրամասները`տեսանյութում:
Աննա Բաբաջանյան
