30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Եռաբլուրի լուռ պատմությունը. 44-օրյա պատերազմի մեկնարկից 4 տարի է անցել. ՏԵՍԱՆՅՈՒԹ
Քաղաքականություն
27.09.2024 | 18:52
«Եռաբլուր» զինվորական պանթեոնն այսօր մարդաշատ էր․ զինվորների ընտանիքները, հարազատներն ու ընկերները եկել էին հարգանքի տուրք մատուցելու 2020 թվականի 44-օրյա պատերազմում ընկած տղաների հիշատակը։ Ուղիղ 4 տարի առաջ հենց այս օրը՝ սեպտեմբերի 27-ին, Ադրբեջանը լայնածավալ ռազմական գործողություններ սկսեց Արցախի դեմ։ Սեպտեմբերի 27-ը ոչ միայն հիշողության, այլև հպարտության և ցավի օր է, որտեղ մարդիկ, մեկը մյուսի կողքին, կրկին վերապրում են 44 օրերի տառապանքը։
Քամուց ծածանվող եռագույն դրոշները, ծաղիկներով զարդարված շիրիմները միաձուլվել էին հերոսների նկարների լուռ վկայությամբ։ Աղոթքներով ու արցունքներով կրկին ու կրկին հնչում էր մեկ ձայն՝ անսահման կարոտի ձայնը։
Եռաբլուրը դարձել է հիշողության, վշտի ու հայրենասիրության խորհրդանիշ։
Արփի Հակոբյան
