09.09.2026 | 12:03
ՌԴ-ն հարվածել է Ուկրաինա-Մոլդովա սահմանի անցակետին․ երկու մարդ զոհվել է
Լիբանանում մեկ շաբաթվա ընթացքում ավելի քան 700 մարդ է զոհվել Իսրայելի հարվածների հետևանքով
Քաղաքականություն
27.09.2024 | 21:43
Լիբանանի առողջապահության նախարարության տվյալներով այս շաբաթ Լիբանանում ավելի քան 700 մարդ է զոհվել իսրայելական հարվածների հետևանքով, գրում է AP-ն։
Իսրայելի բարձրաստիճան պաշտոնյաները սպառնացել են կրկնել Գազայի սցենարը Լիբանանում, եթե «Հըզբոլլահի» հրթիռակոծությունները շարունակվեն:
Միգրացիայի միջազգային կազմակերպությունը հինգշաբթի հայտարարել է, որ ավելի քան 200,000 մարդ տեղահանվել է Լիբանանում հարվածներից հետո։
Միացյալ Նահանգները, Ֆրանսիան և մյուս դաշնակիցները համատեղ կոչ են արել 21-օրյա հրադադար հաստատել։ Լիբանանի արտաքին գործերի նախարարն ասել է, որ երկիրը ողջունում է հրադադարի ջանքերը և դատապարտել է Իսրայելի կողմից «լիբանանյան սահմանամերձ գյուղերի համակարգված ոչնչացումը»:
Իսրայելի վարչապետ Բենիամին Նեթանյահուն էլ հայտարարում է, որ Իսրայելը «ամբողջ ուժով» հարվածում է «Հըզբոլլահին» և կանգ չի առնի այնքան ժամանակ, քանի դեռ իր նպատակներին չի հասել:
Թարգմանությունը՝ Էմմա Չոբանյանի
