09.09.2026 | 14:56
«Սուտ եք խոսում, Տավուշից Ադրբեջանին գյուղ չի հանձնվել»․ բանավեճ՝ Ղալումյանի և Ղազարյանի միջև․ ՏԵՍԱՆՅՈւԹ
Էրդողանը հայտարարել է, որ Թուրքիան ձգտում է ՄԱԿ-ի ԱԽ մշտական անդամ դառնալ
Քաղաքականություն
27.09.2024 | 18:24
Անկարան ձգտում է ստանալ ՄԱԿ-ի Անվտանգության խորհրդի մշտական անդամի կարգավիճակ։ Այս մասին լրագրողների հետ զրույցում հայտարարել է Թուրքիայի նախագահ Ռեջեփ Թայիփ Էրդողանը ուրբաթօրյա աղոթքից հետո, գրում են տեղական լրատվամիջոցները։
«Երբ ասում ենք «աշխարհը հինգից մեծ է», պնդում ենք հետևյալը։ Կան հինգ մշտական և 15 ժամանակավոր անդամներ, ինչպես գիտեք: Այս մշտական անդամների դիրքը նշանակում է, որ նրանք հեշտությամբ կարող են յուրաքանչյուր որոշում կայացնել։ 15 ժամանակավոր անդամներն այստեղ որևէ ազդեցություն չունեն։ Այս հինգ մշտական անդամները ներկայումս այն երկրներն են, որոնք փաստացիորեն կառավարում են աշխարհը»,-նշել է Էրդողանը՝ հավելելով․
«Ներկայումս, որպես Թուրքիա, մենք ձգտում ենք մշտական անդամ դառնալ, սակայն մինչ օրս որևէ արդյունքի չենք հասել դրանում»,-ասել է Թուրքիայի նախագահը՝ ընդգծելով, որ Անվտանգության խորհրդի ներկա մշտական անդամները Անկարային չեն ցուցաբերում աջակցություն այս ուղղությամբ։
Թարգմանությունը՝ Էմմա Չոբանյանի
