23.06.2026 | 10:59
Հորմուզի նեղուցը կկառավարվի Թեհրանի կողմից․ ԱՄՆ-ի հետ կապի գիծ կստեղծվի․ Ղալիբաֆ
72-ամյա ամերիկացուն Մոսկվայում դատում են վարձկանության համար
Քաղաքականություն
27.09.2024 | 21:24
Մոսկվայի քաղաքային դատարանը ուրբաթ օրը՝ սեպտեմբերի 27-ին, սկսել է 72-ամյա ամերիկացի թոշակառուի գործով լսումները, ով մեղադրվում է Ուկրաինայի կողմից զինված հակամարտությանը որպես վարձկան մասնակցելու մեջ, հայտնում է DW-ի ռուսական ծառայությունը։
Դատարանը բավարարել է մեղադրողի միջնորդությունը՝ ամբաստանյալին վեց ամսով՝ մինչև 2025 թվականի մարտի 26-ը կալանքը կիրառելու վերաբերյալ, որպեսզի վերջինս «չթաքնվի արդարադատությունից կամ խոչընդոտի քրեական գործին»։
Լրատվամիջոցները հայտնում են, որ ԱՄՆ Միչիգան նահանգի բնակիչ Ստեֆան (կամ Սթիվեն) Հաբարդն է կասկածյալը։ Նա Ուկրաինա է տեղափոխվել 2014 թվականին և քաղաքացիական ամուսնության մեջ ապրել մի կնոջ հետ, որը հետագայում լքել է իրեն։
Հաբբարդին դատարան են բերել ռազմական ոստիկանությունը։ Հաջորդ հանդիպումը նախատեսված է հոկտեմբերի 3-ին։ Վարձկանության հոդվածի համաձայն՝ Հաբարդին սպառնում է յոթից մինչև 15 տարվա ազատազրկում։ Մոսկվայում ԱՄՆ դեսպանատունը հայտնել է, որ տեղյակ է տեղի ունեցածի մասին, սակայն հրաժարվել է մեկնաբանություն տալ՝ պատճառաբանելով գաղտնիության հետ կապված մտահոգությունները:
Թարգմանությունը՝ Տաթև Ֆռանգյանի
