09.09.2026 | 12:03
ՌԴ-ն հարվածել է Ուկրաինա-Մոլդովա սահմանի անցակետին․ երկու մարդ զոհվել է
Հնդկաստանը կհրաժարվի ռուսական գազից Arctic LNG 2 նախագծի շրջանակներում
Քաղաքականություն
27.09.2024 | 23:30
Պատժամիջոցների պատճառով Հնդկաստանը կհրաժարվի Arctic LNG 2 նախագծի շրջանակներում հեղուկացված բնական գազ գնելուց։ Այս մասին հայտնում է Reuters-ը։
«Մենք Arctic LNG 2-ից մատակարարումներ չենք անի: Մենք չենք գնում որևէ պատժամիջոցային ապրանք: Եթե ապրանքը ենթարկվի լայնածավալ պատժամիջոցների, մենք դրան չենք դիպչի», – ասել է Հնդկաստանի էներգետիկայի նախարար Պանկաջ Ջայնը:
Նշվում է, որ ռուսական Novatek ընկերության կողմից իրականացվող Arctic LNG 2 նախագիծը հայտնվել է Արևմուտքի պատժամիջոցների տակ՝ Ուկրաինայի դեմ Ռուսաստանի պատերազմի պատճառով։
Միացյալ Նահանգները նաև սահմանափակումներ է մտցրել ռուսական ռազմական արշավին աջակցող հարյուրավոր ընկերությունների և անհատների, մասնավորապես՝ Arctic LNG 2-ի մշակման և դրա նյութատեխնիկական աջակցության մեջ ներգրավված ընկերությունների նկատմամբ։
Թարգմանությունը՝ Տաթև Ֆռանգյանի
