21.11.2024 | 23:30
Թուրքիայում ընդդիմադիր քաղաքապետներին դատապարտել են ազատազրկման «ահաբեկչության» մեղադրանքով
Նախագահ չեն դառնում, ծնվում են․ Լուկաշենկո
Քաղաքականություն
27.09.2024 | 16:14
Բելառուսի նախագահ Ալեքսանդր Լուկաշենկոն հայտարարել է, որ չի ճանաչում այլ մարդկանց, ովքեր կարող են ղեկավարել երկիրը։ Նրա կարծիքով՝ նախագահ պետք է ծնվել, գրում է «Կոմերսանտ»-ը։
«Երեկ մտածում էի այդ մասին՝ դե ո՞վ։ Ահա եկա, ու դո՛ւք ասեք․ լսիր, խորհուրդ տուր՝ ո՞ւմ աջակցել տվյալ վիճակում։ Անկեղծ, ես չգիտեմ»,-ասել է Լուկաշենկոն։
Նրա կարծիքով՝ նախագահ «չեն դառնում, այլ ծնվում են», և նման մակարդակի պաշտոն զբաղեցնելու համար հավակնորդը պետք է ունենա հատուկ որակներ։
Ալեքսանդր Լուկաշենկոն Բելառուսի առաջին ու միակ նախագահն է․ նա այս պաշտոնը զբաղեցնում է 1994 թվականից, որից հետո հինգ անգամ վերընտրվել է այդ պաշտոնում։ Բելառուսում ընտրություններն անցել են բազմաթիվ խախտումներով ու զանգվածային բողոքի ցույցերով։ Միջազգային դիտորդական առաքելությունները չեն ճանաչել 2020 թ․ ընտրությունների արդյունքները՝ նշելով, որ դրանք չեն համապատասխանում միջազգային չափանիշներին։
Տաթև Ֆռանգյան
