09.09.2026 | 12:03
ՌԴ-ն հարվածել է Ուկրաինա-Մոլդովա սահմանի անցակետին․ երկու մարդ զոհվել է
Ֆինլանդիայում ՆԱՏՕ-ի ցամաքային զորքերի շտաբը կտեղակայվի ՌԴ-ից 140 կմ հեռավորության վրա գտնվող քաղաքում
Քաղաքականություն
27.09.2024 | 23:13
Որպես ՆԱՏՕ-ի (MCLCC) ցամաքային հրամանատարության տեղակայման վայր Ֆինլանդիայի պաշտպանության նախարարությունն ընտրել է Միկելի քաղաքը, որը գտնվում է Ռուսաստանից 140 կմ հեռավորության վրա և այստեղ է երկրի բանակի հրամանատարությունը։ Այս մասին հայտարարել է երկրի պաշտպանության նախարար Անտի Հակկանենը։
«Ֆինլանդիայում նոր MCLCC-ի ստեղծումը կարևոր քայլ է ՆԱՏՕ-ի զսպման և պաշտպանության հետագա ամրապնդման ուղղությամբ: Միկելիում Ֆինլանդիայի բանակի հրամանատարությունը ՆԱՏՕ-ի հրամանատարությունն ընդունելու ակնհայտ ընտրությունն էր: Այս երկու վայրերը միավորելով՝ մենք հասնում ենք հնարավոր լավագույն սիներգիայի մեր ազգային պաշտպանության համակարգման և ՆԱՏՕ-ի պաշտպանական կարողությունների համակարգման միջև: Առաջարկը հիմնված էր ռազմական կարծիքի վրա, որն այնուհետև հիմք հանդիսացավ Ֆինլանդիայի պաշտպանության գերատեսչության գնահատման համար»,- ասել է նախարարը։
MCLCC-ը պլանավորելու, նախապատրաստելու և ուղղորդելու է ՆԱՏՕ-ի ցամաքային զորքերը Հյուսիսային Եվրոպայում՝ Նորֆոլքի միացյալ ուժերի հրամանատարության ներքո: Սովորական պայմաններում այն պատասխանատու կլինի ՆԱՏՕ-ի զորավարժությունների և իր տարածքում այլ խաղաղարար գործողությունների համար: Ճգնաժամի դեպքում այն ղեկավարելու է ՆԱՏՕ-ի ցամաքային զորքերի գործողությունները իր տարածաշրջանում: Հրամանատարությունը կունենա անձնակազմ դաշնակից երկրներից և Ֆինլանդիայի պաշտպանության ուժերից։
Պլանավորումն ու իրականացումը տեղի են ունենալու փուլերով՝ ավելի կոնկրետ ժամանակացույցով, որը կհայտարարվի 2025 թվականին։
Թարգմանությունը՝Էմմա Չոբանյանի
