09.09.2026 | 16:01
Վահե Ղալումյանը՝ ԱԺ տարածքային կառավարման և շրջակա միջավայրի պահպանության հարցերի մշտական հանձնաժողովի փոխնախագահ
Ֆլորիդայում 1,1 միլիոն տուն մնացել է առանց էլեկտրականության «Հելեն» փոթորկի հարվածի հետևանքով
Քաղաքականություն
27.09.2024 | 13:59
ԱՄՆ Ֆլորիդա նահանգում «Հելեն» փոթորկի հետևանքով ավելի քան 1,1 միլիոն տուն և ձեռնարկություն մնացել են առանց էլեկտրամատակարարման, հայտնում են Power Outage.us ծառայության տվյալները։
Ջորջիա նահանգում ևս ավելի քան 80 հազար տնային տնտեսություն հոսանքազրկված է։ Ալաբամայում, Հյուսիսային Կարոլինայում և Վիրջինիայում արտակարգ դրություն է հայտարարվել, հայտնում է Associated Press (AP) գործակալությունը։
Մինչև 4-րդ կատեգորիայի ուժգնացած փոթորիկը Ֆլորիդա նահանգի մայրցամաքային հատվածին կհարվածի տեղի ժամանակով հինգշաբթի երեկոյան։ Սակայն այս պահի դրությամբ էլ Ֆլորիդայի մի շարք շրջաններ հեղեղված են ուղեկցվող հորդառատ անձրևներից հետո։
BBC-ի ռուսական ծառայության փոխանցմամբ՝ Ֆլորիդայի նահանգապետ Ռոն Դեսանատիսը տեղական ժամանակով կեսգիշերին տված ասուլիսում հայտնել է մեկ զոհի մասին Թամպա քաղաքի շրջանում։
«Երբ ֆլորիդացիները վաղն առավոտյան արթնանան, նրանք հավանաբար կլսեն նոր զոհերի մասին: Եվ միանգամայն հստակ է՝ նյութական կորուստների մասին»,- ասել է նահանգապետ Դեսանտիսը: Այս պահին փոթորիկը մոլեգոնւմ է Ֆլորիդայի մայրաքաղաք Թալահասիից 190 կիլոմետր դեպի հարավ: Քամու պոռթկումները հասնում են ժամում 215 կիլոմետրի։
Թարգմանությունը՝ Տաթև Ֆռանգյանի
