05.09.2026 | 15:55
ԱՆ-ն առաջարկում է լուծարել հարկային հաշվետվություն չներկայացրած ընկերությունները
Բաքուն հուսով է, որ Հայաստանը կմասնակցի COP-29-ին
Քաղաքականություն
27.09.2024 | 12:10
COP29-ի նախագահ, Ադրբեջանի բնապահպանության և բնական պաշարների նախարար Մուխթար Բաբաևը հավատում է, որ Հայաստանը պատվիրակություն կուղարկի Ադրբեջան՝ մասնակցելու COP-ի 29-րդ նստաշրջանին։ Այս մասին նա ասել է ադրբեջանական լրատվամիջոցներին Նյու Յորքում ՄԱԿ-ի Գլխավոր ասամբլեայի 79-րդ նստաշրջանի շրջանակում։
Ադրբեջանցի նախարարը նշել է, որ այս հարցով Ադրբեջանի և Հայաստանի պատվիրակությունները Նյու Յորքում չեն բանակցել ՄԱԿ-ի Գլխավոր ասամբլեայի բարձր մակարդակի շաբաթվա շրջանակներում։
«Սակայն Հայաստանը հրավիրված է նոյեմբերին կայանալիք Բաքվի COP29 համաժողովին Ավանդաբար բոլոր երկրներն իրենց պատվիրակություններն են ուղարկում COP-ին։ Հավատում ենք, որ Հայաստանը ևս պատվիրակությամբ ներկայացված կլինի Բաքվում COP29-ին»,-հայտարարել է Բաբաևը։
Թարգմանությունը՝ Էմմա Չոբանյանի
