Քաղաքականություն
27.09.2024 | 11:25
Իրանի նախագահ Մասուդ Փեզեշքիանի առաջին տեղակալն առաջիկա օրերին այցելելու է Հայաստան։ Այս մասին X-ի իր միկրոբլոգում հայտնել է Իրանի նախագահը։
«Մինչ ես և արտաքին գործերի նախարարը Նյու Յորքում հանդիպում ենք տարածաշրջանի և աշխարհի երկրների պաշտոնյաների հետ, Ուզբեկստանում շարունակվում են էկոնոմիկայի նախարարի բանակցությունները ասիական երկրների հետ։ Առաջիկա օրերին իմ առաջին տեղակալը կմեկնի նաև Պակիստան և Հայաստան»,- գրել է Փեզեշքիանը։
Նա նշել է, որ 14-րդ կառավարությունը ձգտում է քաղաքական և տնտեսական դիվանագիտության աշխարհի հետ՝ Արևմուտքից Արևելք, Նյու Յորքից մինչև Սամարղանդ:
«Ինչպես խոստացել էինք՝ կշփվենք Արևելքի և Արևմուտքի հետ՝ ելնելով մեր ազգային շահերից»,- հայտարարել է Իրանի նախագահը։
Թարգմանությունը՝ Էմմա Չոբանյանի
