13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
ԱՄՆ հետախուզությունը դեմ է Ուկրաինային ՌԴ խորքում թիրախներին հարվածելու թույլտվությանը․ NYT
Քաղաքականություն
27.09.2024 | 11:55
ԱՄՆ հետախուզությունը դեմ է Ուկրաինային Ռուսաստանի տարածքի խորքում գտնվող թիրախների ուղղությամբ հեռահար զենք կիրառելու թույլտվությանը։ Հետախուզության պաշտոնյաները կարծում են, որ Մոսկվան կարող է լուրջ պատասխան միջոցներ ձեռնարկել Միացյալ Նահանգների և նրա դաշնակիցների դեմ՝ չբացառելով մահացու հարձակումները, հայտնում է The New York Times-ը (NYT)՝ հղում անելով իր աղբյուրներին։
Ռուսաստանի հնարավոր պատասխանը ներառում է Եվրոպայում դիվերսիոն գործողությունների ուժեղացումը, ինչպիսիք են հրկիզումները և հարձակումները եվրոպական ու ամերիկյան ռազմակայանների վրա։ ԱՄՆ հետախուզությունն ավելի հավանական է համարում առաջին տարբերակը։
Բացի այդ, հետախուզությունը կարծում է, որ Ուկրաինայի համար նման իրավունքի տրամադրման նշանակությունը փոքր է, քանի որ նա ունի միայն շատ սահմանափակ քանակությամբ նման տեսակի զենք, և պարզ չէ՝ արդյո՞ք կստանա նորերը։
Ուկրաինայի նախագահ Վլադիմիր Զելենսկին բազմիցս խնդրել է Արևմուտքին թույլ տալ օգտագործել իր հեռահար զենքերը ՌԴ տարածքին հարվածելու համար, նաև Կիևին ավելի շատ նման հրթիռներ տրամադրել։ Կիևին արդեն մատակարարվել են ամերիկյան ATACMS հրթիռներ, բրիտանական Storm Shadow-ներ և ֆրանսիական Scalp-եր:
Թարգմանությունը՝ Տաթև Ֆռանգյանի
