04.04.2026 | 20:03
ՃՏՊ՝ հրդեհի բռնկմամբ
Թրամփը ցանկանում է հանդիպել Վլադիմիր Զելենսկիի հետ
Քաղաքականություն
27.09.2024 | 13:07
ԱՄՆ նախագահի թեկնածու Դոնալդ Թրամփը մտադիր է ուրբաթ առավոտյան հանդիպել Ուկրաինայի նախագահ Վլադիմիր Զելենսկիի հետ։ BBC-ի ռուսական ծառայության փոխանցմամբ՝ Թրամփն այս մասին ասել է հինգշաբթի երեկոյան կայացած մամուլի ասուլիսում։
Մինչ Զելենսկիի այցը Միացյալ Նահանգներ հայտարարվեց, որ նա հանդիպելու է նախագահ Ջո Բայդենի, փոխնախագահ և նախագահի թեկնածու Քամալա Հարիսի և Դոնալդ Թրամփի հետ։ Բայդենի և Հարիսի հետ հանդիպումները տեղի են ունեցել, սակայն Թրամփի հետ հանդիպման վերաբերյալ դեռևս հստակություն չի եղել։
Վերջին օրերի հրապարակային ելույթներում Թրամփը կտրուկ քննադատել է Ուկրաինային և անձամբ Զելենսկիին. Թրամփի խոսքերից հետևում է, որ Կիևը պետք է համաձայնվեր Ռուսաստանի կողմից իրենց տարածքների օկուպացմանը, այլ ոչ թե պատերազմեր և հարյուր միլիարդավոր դոլարների օգնություն ստանար ԱՄՆ-ից:
Զելենսկիից առաջ Թրամփը մտադիր է հանդիպել Մեծ Բրիտանիայի վարչապետ Քիր Սթարմերի հետ։ Նա նախատեսում է երկու հանդիպումներն էլ անցկացնել Նյու Յորքի իր Trump Tower երկնաքերում։
Թարգմանությունը՝ Տաթև Ֆռանգյանի
