22.11.2024 | 15:27
Ազգերի լիգա․ Հայաստանի հավաքականը կմրցի Վրաստանի հետ
Շատ ափսոս, որ առանձին անհատների չափազանց անարդար հարձակումների պատճառով մեր նախարարությունը կորցրեց իրապես արժեքավոր մասնագետի. Գրիգոր Մինասյան
Քաղաքականություն
26.09.2024 | 20:16
ՀՀ արդարադատության նախարար Գրիգոր Մինասյանն անդրադարձել է Սիրվարդ Գևորգյանի՝ արդարադատության փոխնախարարի պաշտոնից հրաժարվելուն։
«Վերջին օրերին բազմաթիվ անգամներ եմ խնդրել տիկին Գևորգյանին հրաժարական չտալ: Ցավոք, նա մերժեց իմ բոլոր խնդրանքները:
Շատ ափսոս, որ առանձին անհատների չափազանց անարդար ու մանրախնդիր հարձակումների պատճառով մեր նախարարությունը և պետական համակարգը կորցրեց իրապես արժեքավոր մասնագետի ու կառավարչի:
Պառլամենտարիզմի լավագույն դրսևորումը կլինի նման խարդավանքների համար քաղաքական հասցեական պատասխանատվությունը»,- գրել է Մինասյանը:
Հիշեցնենք՝ Սիրվարդ Գևորգյանը հրաժարականի դիմում է ներկայացրել արդարադատության նախարարի տեղակալի պաշտոնից, իսկ ՔՊ-որոշ պատգամավորներ Գրիգոր Մինասյանին պաշտոնանկության հարցով ստորագրահավաք են սկսել։
