18.07.2026 | 20:02
Հնդկաստանը տիեզերք է արձակել առաջին մասնավոր հրթիռը
Կոբախիձեն Վրաստանի առաջին վարչապետն է, որը ՄԱԿ-ի ամբիոնից չի հիշատակել ՌԴ-ի մասին
Քաղաքականություն
26.09.2024 | 20:59
Վրաստանի վարչապետ Իրակլի Կոբախիձեն երեք անգամ ելույթ է ունեցել ՄԱԿ-ի Գլխավոր վեհաժողովի 79-րդ նստաշրջանում և ոչ մի անգամ չի հիշատակել Ռուսաստանի մասին։ Գրուզիա օնլայնի հաղորդմամբ՝ սա առաջին դեպքն է, երբ Վրաստանի կառավարության բարձրաստիճան պաշտոնյան ՄԱԿ-ի ընդհանուր բանավեճում իր ելույթում կարողացել է խուսափել Ռուսաստանի մասին խոսելուց։
Նախորդ իշխանությունների օրոք Միխեիլ Սաակաշվիլին ՄԱԿ-ի ամբիոնից ակտիվորեն խոսում էր Ռուսաստանի Դաշնության գործողությունների մասին։ Որպես կանոն՝ համաշխարհային առաջնորդներն օգտագործում են ՄԱԿ-ի ամենաբարձր հարթակը, որպեսզի միջազգային հանրության ուշադրությունը հրավիրեն իրենց երկրի շահերի վրա, գրում է լրատվականը։
ՄԱԿ-ի Գլխավոր վեհաժողովի 79-րդ նստաշրջանի ընթացքում Իրակլի Կոբախիձեն ելույթ է ունեցել երեք միջոցառումների ժամանակ՝ «Ապագայի գագաթնաժողով», Անվտանգության խորհրդի նիստին և ընդհանուր բանավեճի ընթացքում:
Երեք ելույթներում էլ Իրակլի Կոբախիձեն ընդգծել է խաղաղության և անվտանգության կարևորությունը։ Նրա խոսքով՝ Ուկրաինայում շարունակվող պատերազմը ստեղծել է անորոշություն և աննախադեպ չափերի հումանիտար ճգնաժամ։
«Վրացական երազանքը» «չգրգռման քաղաքականության» շրջանակում երբեք աչքի չի ընկել Մոսկվայի դեմ կոշտ հռետորաբանությամբ, սակայն առաջին անգամ ՄԱԿ-ի Գլխավոր վեհաժողովի բանավեճերում Վրաստանի ներկայացուցիչը չի հիշատակել Ռուսաստանի Դաշնության մասին։
Թարգմանությունը՝ Տաթև Ֆռանգյանի
