15.03.2026 | 15:45
Սլովակիան հանել է Ռուսաստանի դեմ ԵՄ պատժամիջոցների արգելափակումը
Կոբախիձեն ՄԱԿ-ի ամբիոնից Աբխազիայի և Հարավային Օսիայի բնակիչների կոչ է արել ապրել մեկ՝ վրացական պետությունում
Քաղաքականություն
26.09.2024 | 19:20
Վրաստանի վարչապետ Իրակլի Կոբախիձեն դիմել է Աբխազիայի և Հարավային Օսիայի բնակչությանը՝ կոչ անելով ապրել մեկ՝ վրացական պետությունում։ Դրա համար նա օգտագործել է ՄԱԿ-ի Գլխավոր վեհաժողովի ամբիոնը։
«Օգտվելով առիթից՝ ես կցանկանայի դիմել օկուպացիոն գծի այն կողմում՝ Աբխազիայում և Ցխինվալիի շրջանում գտնվող մեր բնակիչներին։ Մեր բոլոր քայլերն ուղղված են մեր ժողովրդին օգնելուն, որպեսզի մի օր մենք և մեր երեխաները միասին ապրենք երջանիկ, միասնական և զարգացած Վրաստանում։ Օկուպացիոն գծի այս կողմում մենք միշտ կընդունենք ձեզ բաց սրտով։ Մենք պետք է վերակառուցենք մեր երկրի բոլոր քանդված կամուրջները»,- Կոբախիձեի խոսքերն է մեջբերում Գրուզիա օնլայնը։
Նրա խոսքով՝ չնայած տարածքների 20 տոկոսի անօրինական օկուպացմանը՝ Վրաստանը շարունակում է զարգանալ և ավելի լավ երկիր կառուցել։
Թարգմանությունը՝ Տաթև Ֆռանգյանի
