15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
ՀՀ-ն սպառնալիքների առաջ է, ՌԴ-ն թշնամական պահվածք ունի․ ԵՄ-ի ընտանիքում լինելը մեր շահն է․ Լուսինե Հակոբյան․ ՏԵՍԱՆՅՈՒԹ
Քաղաքականություն
26.09.2024 | 21:30
Մեկ շաբաթից ավելի է՝ ԵՄ-ին անդամակցելու հարցով ստորագրահավաքը ընթացքի մեջ է։ 50000 ստորագրություն հավաքելու պարագայում ԱԺ-ին կներկայացվի օրենքի նախագիծ, որն այն մասին է, որ Հայաստան պետությունը մեկնարկում է ԵՄ-ին անդամակցելու գործընթացը։ Բայց եթե ՔՊ-ն մերժի այս առաջարկը, արդեն «Ժողովրդավարական ուժերի հարթակ»-ը կանցնի հանրաքվեի օրակարգին։ Ինչպիսի՞ն է տեմպը, արդյո՞ք 50 000 ստորագրություն կհավաքվի 60 օրում, կա՞ այս օրակարգի ընկալում հանրության կողմից։ ԵՄ-ՀՀ քաղաքացիական հասարակության պլատֆորմի համանախագահ, «Իրավունքի Եվրոպա միավորում» ՀԿ ղեկավար Լուսինե Հակոբյանը, որը ստորագրահավաքի նախաձեռնողներից է, Factor TV-ի հետ զրույցում ասում է, որ տեմպը գոհացուցիչ է, և որ 60-օրյա ժամկետից շուտ կհավաքվի անհրաժեշտ քանակի ստորագրությունների անհրաժեշտ չափը․
«Ստորագրող յուրաքանչյուր անձ պետք է գիտակցի, որ ինքը մասնակցում է պատմական ապագայի կերտմանը։ Պետության ապագան փոխող լուրջ պատմական իրադարձությունները տեղի են ունենում վտանգներով լեցուն ժամանակներում, և այստեղ կարևոր է առաջնորդների դերը, բայց այստեղ նաև յուրաքանչյուրի դերն է կարևոր՝ ընկալելու այս պատմական հնարավորությունը և մասնակցելու այդպիսի շրջադարձերին»,- նշեց տիկին Հակոբյանը։
Նրան հարց ուղղեցինք՝ ինքը չունի՞ մտավախություն, որ մարդիկ չեն ընկալի այս պրոցեսը՝ որպես պատմական շանսը օգտագործելու պահ, այլ՝ կարող են ապաակտիվանալ՝ չստորագրել, ենթադրելով, որ Հայաստանի իշխանությունը Ազգային ժողովում կմերժի օրենքի նախագծի ընդունումը։
«Եթե շարժվես այդ կանխավարկածով, ուրեմն՝ ոչ մի գործողություն չպիտի անես՝ կանխավ մտածելով, որ իշխանությունը կմերժի, ոչ մի բան ձեռնարկելու իմաստ չկա։ Բայց ինքնին այս պրոցեսը շատ կարևոր է, և հետագա պլաններն էլ քննարկվում են, և ըստ ՔՊ-ի արձագանքի՝ որոշումները կընդունվեն։ Այնպես չէ, որ տարերային պրոցես է մեկնարկել, որը կարող է մարել՝ կախված ՔՊ-ի արձագանքից»,- ասաց Լուսինե Հակոբյանը։ Նա թվարկեց նաև այն գործոնները, որոնք իրենց բերել են ԵՄ-ին անդամակցելու հայտ ներկայացնելու անհրաժեշտության մտքին։
Հարցազրույցն ամբողջությամբ՝ տեսանյութում։
Ռոբերտ Անանյան
