18.07.2026 | 22:57
Երևանի Մուրացանի փողոցում տեղի ունեցած միջադեպի վայրում դի է հայտնաբերվել
Նեթանյահուի գրասենյակը հերքում է «Հըզբոլլահ»-ի հետ հնարավոր զինադադարի մասին լուրերը
Քաղաքականություն
26.09.2024 | 16:20
Իսրայելի վարչապետ Բենիամին Նեթանյահուի գրասենյակը հերքել է Լիբանանում հնարավոր հրադադարի մասին լուրերը՝ ընդգծելով, որ չի ընդունել ԱՄՆ-ի և Ֆրանսիայի առաջարկը։ Արտաքին գործերի նախարար Իսրայել Կացը X-ում գրառմամբ հայտարարել է, որ ռազմական գործողությունները լիբանանյան «Հըզբոլլահ» շարժման դեմ կշարունակվեն այնքան ժամանակ, քանի դեռ Իսրայելի հաղթանակն ավարտված չէ:
«Մենք չենք կարող համաձայնել հրադադարի հետ հյուսիսում։ Մենք բոլոր հնարավոր ուժերով կհակազդենք «Հըզբոլլահ» ահաբեկչական կազմակերպությանը, քանի դեռ չի ապահովվել հյուսիսի բնակիչների անվտանգությունը՝ թույլ տալով նրանց վերադառնալ իրենց տները»,- գրել է նա։
Իսրայելի վարչապետն իր հերթին հրամայել է ուժեղացնել գործողությունները հյուսիսում՝ իրեն ներկայացված ռազմավարություններին լիովին համապատասխան։
Ավելի վաղ Իսրայելի զինված ուժերի գլխավոր շտաբը սահմանել էր նոր հարձակողական գործողություն Լիբանանում, որը կոչվում է «Հյուսիսի նետեր»։
Թարգմանությունը՝ Տաթև Ֆռանգյանի
