09.09.2026 | 14:22
ԱԺ առողջապահության հարցերի մշտական հանձնաժողովի նիստը․ ՈՒՂԻՂ
Ուկրաինայի նախագահի գրասենյակը միջուկային դոկտրինը փոխելու՝ Պուտինի առաջարկը «շանտաժ» և «ահաբեկում» է որակել
Քաղաքականություն
26.09.2024 | 16:50
Ուկրաինայի նախագահի գրասենյակի ղեկավար Անդրեյ Երմակը Ռուսաստանի միջուկային դոկտրինը փոխելու՝ ՌԴ նախագահ Վլադիմիր Պուտինի առաջարկը «միջուկային շանտաժ» և «ահաբեկում» է որակել։
«Բացի միջուկային շանտաժից՝ Ռուսաստանում այլ բան, աշխարհին վախեցնելու այլ գործիքներ չկան: Այդ գործիքները չեն աշխատի»,- գրել է նա Telegram-ի իր ալիքում։
Ռուսական միջուկային դոկտրինում փոփոխությունը նպատակ ունի ստեղծել «անորոշություն և երկիմաստություն պատասխան միջոցների հնարավորության վերաբերյալ», The Washington Post-ին ասել է ՄԱԿ-ի զինաթափման հետազոտությունների ինստիտուտի վերլուծաբան Պավել Պոդվիգը:
Պարբերականի մեկ այլ զրուցակից՝ ռուս պաշտոնյա, որը խոսել է անանունության պայմանով, ավելի վաղ նշել է, որ Արևմուտքն «իմունիտետ է զարգացրել» Պուտինի նման սպառնալիքների նկատմամբ, և դրանք «ոչ մեկին չեն վախեցնում»։
Հիշեցնենք՝ Վլադիմիր Պուտինը միջուկային զսպման հարցերին նվիրված ՌԴ Անվտանգության խորհրդի նիստում ներկայացրել է միջուկային դոկտրինը փոխելու նոր նախաձեռնություններ։ Ի թիվս այլ բաների՝ նա առաջարկել է հաստատել, որ միջուկային տերության աջակցությամբ ոչ միջուկային պետության կողմից ագրեսիան կհամարվի համատեղ հարձակում Ռուսաստանի վրա։
Թարգմանությունը՝ Տաթև Ֆռանգյանի
