01.11.2024 | 20:18
Հրդեհ Ամիրյան փողոցի շենքերից մեկում. դեպքի վայր է մեկնել 3 մարտական հաշվարկ
Բայդենի վարչակազմն ու արևմտյան որոշ առաջնորդներ «տպավորված չեն» Ուկրաինայի հաղթանակի ծրագրից․WSJ
Քաղաքականություն
26.09.2024 | 16:02
Սպիտակ տունը մտահոգված է, որ Ուկրաինայի համար նախագահ Վլադիմիր Զելենսկիի «հաղթանակի ծրագիրը» չունի Ռուսաստանի հետ պատերազմում հաղթանակ տանելու հստակ ռազմավարություն։ Այս մասին գրում է Wall Street Journal-ը՝ վկայակոչելով ամերիկացի և եվրոպացի պաշտոնյաներին, գրում է The Kyiv Independent-ը։
Ծրագիրը ներառում է ռազմական և դիվանագիտական բաղադրիչներ, ներառյալ՝ ՆԱՏՕ-ին Ուկրաինայի միանալու հրավերը, սակայն խաղաղության շրջանակի ամբողջական մանրամասները դեռևս չեն հրապարակվել: Պլանի նպատակն է՝ ամրապնդել Ուկրաինայի ապագա բանակցային դիրքը և Ռուսաստանին մղել արդար խաղաղության։
Ծրագրին ծանոթ որոշ պաշտոնյաներ ասել են, որ այն չափազանց կենտրոնացած է ավելի շատ զենք խնդրելու և հեռահար հրթիռների հարվածների սահմանափակումները վերացնելու ուղղությամբ:
«Ես տպավորված չեմ, այնտեղ շատ նոր բան չկա»,- ասել է լրատվամիջոցին բարձրաստիճան մի պաշտոնյա։
Ծրագրի առանցքային մասը կախված է այն բանից՝ արդյո՞ք ԱՄՆ-ը և արևմտյան երկրները թույլ կտան Ուկրաինային օգտագործել հեռահար զենքեր Ռուսաստանի խորքում գտնվող թիրախները խոցելու համար, ասել է Ֆինլանդիայի նախագահ Ալեքսանդր Ստուբը: Նա լրատվամիջոցի հետ զրույցում նշել է, որ եթե ԱՄՆ-ը չտրամադրի այդ թույլտվությունը, Ուկրաինայի առաջարկները «պակաս տեղին կլինեն»։
Սպիտակ տան պաշտոնյաներն անհանգստացած են, որ Զելենսկիի ծրագիրը չի առաջարկում հստակ, գործող քայլեր, որոնց Բայդենը կարող է աջակցել իր պաշտոնավարման մնացած չորս ամիսների ընթացքում։
ԱՄՆ-ի ու եվրոպացի պաշտոնյաները WSJ-ին ասել են, որ ծրագրի հատվածները մնում են թերզարգացած, և որ զենքի հետ կապված դիմումները պետք է լինեն կոնկրետ և մանրամասն։
Թարգմանությունը՝ Էմմա Չոբանյանի
