30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Իսրայելը հայտարարել է Լիբանանում ցամաքային գործողության մասին
Քաղաքականություն
26.09.2024 | 12:53
Իսրայելի Պաշտպանության բանակը (IDF) ցամաքային գործողություն է նախապատրաստում լիբանանյան «Հըզբոլլահ» արմատական խմբավորման դեմ։ DW-ի ռուսական ծառայության փոխանցմամբ՝ այս մասին հայտնել է Իսրայելի ՊԲ Գլխավոր շտաբի պետ Հերզի Հալևին։
Սեպտեմբերի 25-ին, դիմելով 7-րդ զրահատանկային բրիգադի զինվորներին, նա հայտարարել է, որ «նրանց կոշիկները կմտնեն թշնամու տարածք»։
«Դուք լսում եք օդում ինքնաթիռների ձայները, մենք գրոհում ենք ամեն օր, որպեսզի նախապատրաստենք տարածքը հնարավոր ներխուժման, և որպեսզի շարունակենք հարվածները «Հըզբոլլահ»-ին»,- Հալևիի խոսքերն է մեջբերում The Times of Israel-ը։
Իսրայելցի բարձրաստիճան զինվորականը խոստացել է նաև «շատ հզոր պատասխան» Լիբանանից Թել Ավիվի դեմ բալիստիկ հրթիռի արձակմանը։
Թարգմանությունը՝ Տաթև Ֆռանգյանի
