18.07.2026 | 22:57
Երևանի Մուրացանի փողոցում տեղի ունեցած միջադեպի վայրում դի է հայտնաբերվել
ԱՄՆ-ը հայտարարել է Ուկրաինային 375 միլիոն դոլարի ռազմական օգնության նոր փաթեթի մասին
Քաղաքականություն
26.09.2024 | 13:15
ԱՄՆ Պաշտպանության նախարարությունը հայտարարել է Ուկրաինային 375 միլիոն դոլարի ռազմական օգնության նոր փաթեթի մասին։Այս մասին ասվում է գերատեսչության կայքում հրապարակված հաղորդագրությունում։
Դրա համաձայն՝ Պենտագոնը Կիևին կտրամադրի զինամթերք HIMARS MLRS-ի համար, 105 մմ և 155 մմ հրետանային արկեր, Javelin և AT-4 հակատանկային համակարգեր, զրահապատ և ականներից պաշտպանված մեքենաներ, պարեկային նավակներ, ինքնագնաց կամրջային համակարգեր, ինչպես նաև զենք, զինամթերք, օժանդակ սարքավորումներ և նախկինում փոխանցված զենքերի պահեստամասեր, գրում է Current Time-ը։
Ըստ ամերիկյան կողմի՝ սա 2021 թվականի օգոստոսից ի վեր Սպիտակ տան կողմից Ուկրաինային տրամադրվող օգնության 66-րդ տրանշն է ԱՄՆ ՊՆ պահուստներից։
Վերջին անգամ ԱՄՆ-ն Ուկրաինային ռազմական օգնության նոր փաթեթի մասին հայտարարել էր Ռամշտեյնի հանդիպման ժամանակ։ Դրա գումարը կազմում էր 250 մլն դոլար: 65-րդ օգնության փաթեթը ներառում էր զինամթերք, այդ թվում՝ HIMARS, Javelin և AT-4, Bradley հետևակի մարտական մեքենաներ, M113 զրահափոխադրիչներ և այլն։
Ավելի վաղ Ուկրաինայի նախագահ Վլադիմիր Զելենսկին ԱՄՆ-ում ասել է, որ Ուկրաինայի դեմ Ռուսաստանի պատերազմն «ավարտին ավելի մոտ է», քան շատերը կարծում են, և դաշնակիցներին կոչ արել ուժեղացնել ուկրաինական բանակը։
Թարգմանությունը՝ Տաթև Ֆռանգյանի
