08.03.2026 | 16:14
ԱՄԷ-ն առաջին անգամ հարվածել է Իրանի տարածքին․ իսրայելական ԶԼՄ-ներ
Գույքահարկի առաջարկությունը՝ որպես հիպոթեքի մարման ճանապարհներից մեկը. Մհեր Շահգելդյանը ներկայացրեց ՕԵԿ-ի ծրագիրը
Քաղաքականություն
11.09.2018 | 18:41
«Մենք ենք ու մեր Երևանը» կարգախոսով «Օրինաց երկիր» կուսակցությունն այսօր շարունակեց նախընտրական իր քարոզարշավը: Կուսակցության քաղաքապետի թեկնածու Մհեր Շահգելդյանը լրագրողների հետ զրույցում խոսեց ներկայացված ծրագրի մասին:
«Ծրագիրը մշակելիս մենք հաշվի ենք առել նաև ՀԿ-ների, անկախ փորձագետների միջազգային փորձը: Ահա սա պետք է հիմք լինի: Երկրորդ՝ ֆինանսական նոր պլանավորման և ծրագրավորման համակարգի ներդրումն է, օրինակ, մեթոդներից մեկը բյուջետային համակարգերի պլանավորման և ծրագրավորման համակարգն է, որը արտասահմանյան բազմաթիվ երկրներում կա: Հաջորդը՝ Երևանը, որպես մայրաքաղաք և որպես միջազգային հարաբերությունների սուբյեկտ, մայրաքաղաքների գլոբալ հանրույթի անդամ դառնալն է: Այսինքն՝ լայն համագործակցություն միջազգային ասպարեզում»,- ասաց քաղաքապետի թեկնածուն:
Շահգելդյանը նկատեց, որ 2014 թվից, ըստ հարցումների, ժողովրդի հիմնական դժգոհությունը նույնն է՝ աղբահանություն: «Պետք է լինի աղբի վերամշակման գործարան, աղբահանության մրցակցային դաշտ»,- առաջարկեց Մհեր Շահգելդյանը և խոսեց բնակարանաշինությունից և ուրբանիզացիայից:
«Խնդիրները բոլորինն են, իսկ մեր առաջարկությունները կարող եք քննել: Մենք ունենք յուրահատուկ առաջարկություններ, մասնավորապես՝ գույքահարկի առաջարկությունը որպես հիպոթեքի մարման ճանապարհներից մեկը»,- ասաց նա:
Մանրամասները՝ տեսանյութում:
