09.09.2026 | 16:49
Ադրբեջանի և Հայաստանի արտգործնախարարների առաջիկա հանդիպման շուրջ պայմանավորվածություն կա․ խոսնակ
Էրդողանի խորհրդականը հայտարարել է, թե Իսրայելը ծրագրում է հարձակվել Թուրքիայի վրա
Քաղաքականություն
25.09.2024 | 21:23
Թուրքիայի նախագահ Ռեջեփ Թայիփ Էրդողանի ավագ խորհրդական Յիգիթ Բուլութը պնդում է, որ Իսրայելը ծրագրում է հարձակվել Թուրքիայի վրա, գրում են տեղական լրատվամիջոցները։
Բուլութը X սոցիալական ցանցում գրառմամբ պնդել է, որ Իսրայելը թիրախավորելու է Թուրքիան իսլամական սրբավայրերի, այդ թվում՝ Երուսաղեմի Ալ-Աքսա մզկիթի վրա հարվածներ հասցնելուց հետո։
«Կարճ ժամանակում Իսրայելը հարձակվելու է Ալ-Աքսա մզկիթի և մեր մյուս սրբավայրերի վրա։ Այնուհետև, ինչպես բազմիցս հայտարարել է մեր նախագահը, թիրախը լինելու է Թուրքիան։ Խնդրում եմ, եկեք բացե՛նք մեր աչքերը։ 100 տարի առաջ Արևմուտքը միավորվեց և հարձակվեց Թուրքիայի վրա, շահառուն Հունաստանն էր։ Մենք տեսնում ենք նույն հարձակումը, որը գալիս է 100 տարի անց: Այս անգամ Իսրայելն է։ Նրանք, ովքեր տեսնում են ճշմարտությունը, պետք է հավաքվեն, հիմա ժամանակն է դա ասել առանց վախի»,- գրել է Բուլութը։
Նա նաև նշել է, որ C-400 համակարգերը Թուրքիայի առանցքային պաշտպանությունն են Արևմուտքի ավելի լայն հարձակման դեմ: Բուլութն ընդգծել է Թուրքիայի ենթադրյալ «պոկումը Արևմուտքից»՝ կոչ անելով երկրին շարունակել անկախ ճանապարհը ԲՐԻԿՍ-ին անդամակցելու դիմումից հետո:
Թարգմանությունը՝ Էմմա Չոբանյանի
