18.07.2026 | 22:57
Երևանի Մուրացանի փողոցում տեղի ունեցած միջադեպի վայրում դի է հայտնաբերվել
Ադրբեջանը Սերբիայի և Բելառուսի հետ ռազմատեխնիկական համագործակցության հարցեր է քննարկել
Քաղաքականություն
25.09.2024 | 21:50
Ադրբեջանի պաշտպանության նախարար Զաքիր Հասանովը հանդիպել է Սերբիայի պաշտպանության նախարարի նյութատեխնիկական ռեսուրսների գծով օգնական Նենադ Միլորադովիչի հետ։ Հանդիպումը տեղի է ունեցել Բաքվում անցկացվող ADEX-2024 պաշտպանական ցուցահանդեսի շրջանակում։
Հասանովը և Միլորադովիչը դիտել են սերբական «Յուգիմպորտ» պետական ընկերության տաղավարում ներկայացված զենքի և տեխնիկայի նմուշները։
«Հանդիպմանը նախարարը նշել է Ադրբեջանի և Սերբիայի միջև ռազմավարական գործընկերության հիման վրա կառուցված հարաբերությունների բարձր մակարդակը և ընդգծել համատեղ ռազմական համագործակցության հետագա զարգացման կարևորությունը։ Հանդիպմանը քննարկվել են ռազմատեխնիկական ոլորտում հարաբերությունների ներկա վիճակն ու զարգացման հեռանկարները, ինչպես նաև այլ հարցեր»,- ասվում է հայտարարության մեջ։
Ցուցահանդեսի շրջանակում Զաքիր Հասանովը հանդիպել է նաև Բաքվում գտնվող Բելառուսի զինված ուժերի գլխավոր շտաբի պետ, գեներալ-մայոր Պավել Մուրավեյկոյի հետ։
Հանդիպմանը նշվել է Ադրբեջանի և Բելառուսի միջև ռազմական ոլորտում երկկողմ համագործակցության հետագա զարգացման կարևորությունը, քննարկվել առկա կապերի ընդլայնումը։
Թարգմանությունը՝ Էմմա Չոբանյանի
