09.09.2026 | 16:01
Վահե Ղալումյանը՝ ԱԺ տարածքային կառավարման և շրջակա միջավայրի պահպանության հարցերի մշտական հանձնաժողովի փոխնախագահ
Չինաստանը միջմայրցամաքային բալիստիկ հրթիռ է արձակել Խաղաղ օվկիանոսի վրայով
Քաղաքականություն
25.09.2024 | 18:19
Չինաստանը հայտարարել է Խաղաղ օվկիանոսի վրայով միջմայրցամաքային բալիստիկ հրթիռի հաջող փորձարկման մասին, որը կեղծ մարտագլխիկ է կրել: Չնայած Չինաստանի իշխանություններն այս փորձարկումն անվանում են սովորական, վերլուծաբանները նշում են, որ վերջին անգամ նման փորձարկում անցկացվել է 1980 թվականին։
Չինաստանի Պաշտպանության նախարարության հայտարարության մեջ ասվում է, որ հրթիռն արձակվել է չորեքշաբթի՝ տեղական ժամանակով 08:44-ին:
«Հրթիռը խոցել է ծրագրված ջրային տարածքը, արձակումն իրականացվել է հրթիռային ուժերի ամենամյա զորավարժությունների շրջանակում»,- հաղորդում է պետական «Xinhua» գործակալությունը։
Պեկինը չի հայտնում, թե որ հրթիռն է փորձարկվել և ինչ հետագիծ է անցել։ Այնուամենայնիվ, «Xinhua»-ն նշում է, որ Չինաստանը «նախապես այդ մասին ծանուցել է համապատասխան երկրներին»։
Չինաստանը կանոնավոր կերպով փորձարկում է իր միջուկային զենքը երկրի ներսում և վերջին տարիներին միջմայրցամաքային բալիստիկ հրթիռներ է արձակել Սինցզյան շրջանի Տակլիմական անապատի փորձադաշտում:
Թարգմանությունը՝ Տաթև Ֆռանգյանի
