20.06.2026 | 09:30
Էլինա Ավանեսյանն օգնել է Հայաստանի հավաքականին հաղթել Բիլի Ջին Քինգի գավաթի խմբում
Թրամփին նախազգուշացրել են Իրանի կողմից մահվան սպառնալիքների մասին․ շտաբի ներկայացուցիչ
Քաղաքականություն
25.09.2024 | 16:58
Հանրապետական կուսակցությունից ԱՄՆ նախագահի թեկնածու Դոնալդ Թրամփին, ըստ նրա նախընտրական շտաբի, տեղեկացվել է Իրանի կողմից նրան ուղղված «իրական և կոնկրետ մահվան սպառնալիքների» մասին, գրում է DW-ի ռուսական ծառայությունը։
«Հատուկ ծառայությունները պարզել են, որ վերջին ամիսներին ավելացել են նախագահի հանրապետական թեկնածուի դեմ շարունակվող և համակարգված հարձակումները, այդ սպառնալիքների նպատակն է սպանությամբ ապակայունացնել ԱՄՆ-ն և նրան քաոսի մեջ գցել»,- ասել է Թրամփի նախընտրական շտաբի ներկայացուցիչ Սթիվեն Չունգը։
Անցյալ շաբաթ Հետաքննությունների դաշնային բյուրոն (ՀԴԲ) և ԱՄՆ այլ հետախուզական ծառայություններ հայտնել էին, որ իրանցի հաքերները Թրամփի թիմից նախկինում գողացված փաստաթղթեր են առաջարկել գործող նախագահ Ջո Բայդենի նախընտրական շտաբին, որն արդեն դուրս է եկել նախագահական մրցապայքարից։ Օգոստոսին էլ Թրամփի թիմը տեղեկացրել էր հաքերային հարձակման մասին։
Օգոստոսի սկզբին ԱՄՆ պաշտոնյաները հայտարարել էին, որ խափանել են ամերիկացի քաղաքական գործիչների դեմ մահափորձի դավադրությունը, որը, իբր, համակարգված է եղել Իրանից: Դավադրության մասնակիցների թիրախներից մեկը պետք է լիներ Դոնալդ Թրամփը։
Իրանը հերքել է Թրամփի դեմ դավադրությանը մասնակցության և ԱՄՆ նախընտրական արշավին միջամտելու մեղադրանքները։
Թարգմանությունը՝ Էմմա Չոբանյանի
