15.03.2026 | 21:36
Իրանում ձերբակալել են ավելի քան 30 մարդու՝ Իսրայելին տեղեկատվություն փոխանցելու կասկածանքով
Իրավիճակը ճակատում շարունակում է ծանր մնալ, ռուսական բանակը գրոհում է մի քանի ուղղություններով. Ուկրաինայի Զինված ուժերի գլխավոր շտաբ
Քաղաքականություն
25.09.2024 | 13:26
Ռուսական զորքերը, օգտվելով կենդանի ուժի և տեխնիկայի առավելությունից, շարունակաբար գրոհում են ուկրաինական դիրքերը, հայտնում է Ուկրաինայի Զինված ուժերի գլխավոր շտաբը իր վերջին զեկույցում։ Օրվա ընթացքում գրանցվել է 154 ռազմական բախում, փոխանցում է BBC-ի ռուսական ծառայությունը։
Զեկույցում նշվում է, որ ռուս զինվորականները երեք անգամ փորձել են գրոհել Վոլչանսկը՝ Խարկովի ուղղությամբ։ Մարտեր են ընթանում Կուպյանսկի, Լիմանսկի, Սևերսկի, Կրամատորսկի, Տորեցկի, Պոկրովսկի և Կուրախովսկի ուղղություններով։
Ռուսական բանակը հարվածներ է հասցնում նաև Ուգլեդարի շրջանում ուկրաինական դիրքերին։ Ավելի վաղ BBC-ն գրել էր, որ քաղաքը լիակատար շրջափակման սպառնալիքի տակ է։ Սա իր հերթին վտանգ է ներկայացնում Ուկրաինայի զինված ուժերի նյութատեխնիկական ապահովման համար։
Բացի այդ, Ուկրաինայի ԶՈՒ գլխավոր շտաբի զեկույցում խոսվում է Կուրսկի շրջանում տիրող իրավիճակի մասին։ Ուկրաինացի զինվորականները պնդում են, որ վերջին 24 ժամվա ընթացքում ռուսական ինքնաթիռները 13 ավիահարված են հասցրել սեփական տարածքին։
Թարգմանությունը՝ Տաթև Ֆռանգյանի
