06.12.2025 | 21:05
Գնդակները, որ մաշում են, մի խնայե՛ք, առեք, եթե հնարավոր չի, ինձ ասեք, ես կառնեմ. Փաշինյան. ՏԵՍԱՆՅՈՒԹ
Նյու Յորքում առաջին անգամ հանդիպել են Ֆրանսիայի և Իրանի նախագահները
Քաղաքականություն
25.09.2024 | 14:09
Նյու Յորքում ՄԱԿ-ի Գլխավոր վեհաժողովի 79-րդ նստաշրջանի շրջանակում տեղի է ունեցել Իրանի նախագահ Մասուդ Փեզեշքիանն ու Ֆրանսիայի նախագահ Էմանուել Մակրոնի առաջին հանդիպումը։ Իրանական Mehr գործակալության փոխանցմամբ՝ հանդիպման ընթացքում Փեզեշքիանն ասել է, որ Ֆրանսիան կարող է ավելի արդյունավետ դերակատարում ունենալ «սիոնիստական ռեժիմի» հանցագործությունները կանգնեցնելու հարցում։
«Այսօր Իրանի և տարածաշրջանի ժողովուրդները խիստ տուժել են սիոնիստական ռեժիմի հանցագործություններից, այդ հանցագործությունների շարունակությունը կարող է իրավիճակը դուրս բերել վերահսկողությունից»,- ասել է նա։
Ըստ իրանական կողմի՝ Մակրոնն ասել է, որ Ֆրանսիան խստորեն դատապարտում է Լիբանանի դեմ ագրեսիան և գործադրել է բոլոր ջանքերը՝ այդ ագրեսիան կասեցնելու համար։
Նա նաև կոչ է արել ազատ արձակել Ֆրանսիայի 3 քաղաքացիներին, որոնք Իրանի կողմից ձերբակալվել են 2022 թվականի անկարգություններին մասնակցելու մեղադրանքով։
Թարգմանությունը՝ Էմմա Չոբանյանի
