27.05.2026 | 11:55
15 հազար դրամով մարդկանց ներգրավել են «Ուժեղ Հայաստան»-ի հանրահավաքին․ 2 անձ կալանավորվել է․ ՔԿ
Ալեն Սիմոնյանն ու Սահիբա Գաֆարովան Ժնևում կքննարկեն խաղաղության գործընթացը
Քաղաքականություն
25.09.2024 | 11:49
Հայաստանի ԱԺ նախագահ Ալեն Սիմոնյանը և Ադրբեջանի Մեջլիսի նախագահ Սահիբա Գաֆարովան երկկողմ հանդիպում կանցկացնեն հոկտեմբերին Ժնևում կայանալիք Միջխորհրդարանական միության 149-րդ վեհաժողովի շրջանակում՝ քննարկելու տարածաշրջանում խաղաղությանն ուղղված ջանքերը, հայտնել է կառույցի խոսնակ Թոմաս Ֆիցսիմոնսը։
«Հոկտեմբերի 13-ից 17-ը Ժնևում Միջխորհրդարանական միության 149-րդ վեհաժողովի շրջանակում Հայաստանի և Ադրբեջանի խորհրդարանների նախագահների երկկողմ հանդիպումը կկայանա երրորդ անգամ: Հանդիպման ստույգ օրը դեռևս հայտնի չէ: Նրանց հանդիպման նպատակն է տարածաշրջանում խաղաղությանն ուղղված ջանքերին խորհրդարանական դիվանագիտության տարր ներմուծել»,- ասել է նա:
Երկու երկրների օրենսդիր մարմինների ղեկավարները հանդիպել էին մայիսի 16-ին Միջխորհրդարանական միության խորհրդարանների նախագահների վեցերորդ համաշխարհային համաժողովի նախապատրաստական հանձնաժողովի հանդիպման շրջանակում։ Եվս մեկ հանդիպում տեղի է ունեցել մայիսին։
Թարգմանությունը՝ Տաթև Ֆռանգյանի
