09.09.2026 | 17:23
ԱՄՆ-ն չինական ընկերություններին մեղադրել է ամերիկյան արհեստական բանականության տեխնոլոգիաները պատճենելու մեջ
ՀՀ-ին ռազմական աջակցության մեծացումը վնասում է տարածաշրջանում կայունությանը․ Բայրամովը՝ Իրանի ԱԳ նախարարին
Քաղաքականություն
25.09.2024 | 12:40
Ադրբեջանի ԱԳ նախարար Ջեյհուն Բայրամովը ՄԱԿ-ի Գլխավոր վեհաժողովի 79-րդ նստաշրջանի շրջանակում հանդիպել է իր իրանցի գործընկեր Աբբաս Արաղչիի հետ։ Ադրբեջանի ԱԳՆ-ի հաղորդմամբ՝ նշվել է, որ Ադրբեջանի և Իրանի միջև մշակութային և կրոնական ընդհանրությոնը երկու երկրների հարաբերությունների զարգացման առանցքային գործոններից է, ընդգծվել է երկու երկրների համապատասխան մարմինների և պաշտոնյաների միջև կանոնավոր շփումների կարևորությունը երկկողմ հարաբերությունների կայունության համար։
Իրանական կողմը տեղեկացվել է նաև Հայաստանի և Ադրբեջանի միջև հարաբերությունների կարգավորման գործընթացի մասին։ Բայրամովը հայտարարել է, թե, իբր, «խաղաղության վերջնական համաձայնագրի կնքման ամենալուրջ խոչընդոտը Ադրբեջանի նկատմամբ տարածքային պահանջների շարունակությունն է մի շարք իրավաքաղաքական փաստաթղթերում, հատկապես՝ Հայաստանի Սահմանադրության մեջ»։
Նա նաև ասել է, թե «շարունակվող ռևանշիստական միտումների ֆոնին Հայաստանի սրընթաց ռազմականացումը և տարբեր պետությունների կողմից ռազմական աջակցության մեծացումը վնասում են տարածաշրջանում անվտանգության և կայունության հաստատման ջանքերին»։
Թարգմանությունը՝ Էմմա Չոբանյանի
