23.06.2026 | 10:59
Հորմուզի նեղուցը կկառավարվի Թեհրանի կողմից․ ԱՄՆ-ի հետ կապի գիծ կստեղծվի․ Ղալիբաֆ
Չեխիայի նախագահը ՌԴ-ի կողմից Ուկրաինայի մի մասի օկուպացիան անվանել է «պատերազմի ամենահավանական արդյունքը»
Քաղաքականություն
24.09.2024 | 16:50
Ուկրաինայում պատերազմը չի ավարտվի երկրի տարածքից ռուսական զորքերի ամբողջական արտաքսմամբ, և Կիևը պետք է ընդունի դա, քանի որ Արևմուտքում հոգնածությունն աճում է երրորդ տարին տևող հակամարտությունից, հայտարարել է Չեխիայի նախագահ Պետր Պավելը։
«Պատերազմի ամենահավանական արդյունքը կլինի այն, որ Ուկրաինայի տարածքի մի մասը ժամանակավորապես կհայտնվի ռուսական օկուպացիայի տակ»,- ասել է Պավելը The New York Times-ին տված հարցազրույցում։
Նա հավելել է, որ նման «ժամանակավոր երևույթը» կարող է տևել տարիներ, և որ Եվրոպայում արդեն եղել են «մի շարք [նմանատիպ] օրինակներ»։
Չեխիայի նախագահի խոսքով՝ հակամարտող կողմերից ոչ մեկին չի հաջողվի հասնել այն նպատակներին, որ իրենց առջև դրել են։
«Եթե խոսենք Ուկրաինայի կամ Ռուսաստանի պարտության մասին, ապա դա պարզապես տեղի չի ունենա։ [Հակամարտության] վերջը կլինի ինչ-որ տեղ մեջտեղում»,- նշել է Պավելը։
Օգոստոսի վերջին Ուկրաինայի նախագահ Վլադիմիր Զելենսկին հայտարարել էր, որ Կիևը չի դադարեցնի մարտերն առաջնագծում և չի զիջի օկուպացված տարածքները Ռուսաստանին՝ պատերազմը դադարեցնելու համար։ Նա ընդգծել է, որ ուկրաինական բոլոր գործողություններն ուղղված են նրան, որ Ռուսաստանը պատրաստ լինի արդար խաղաղության։
Թարգմանությունը՝ Տաթև Ֆռանգյանի
