18.07.2026 | 22:57
Երևանի Մուրացանի փողոցում տեղի ունեցած միջադեպի վայրում դի է հայտնաբերվել
Ճապոնիան առաջին անգամ ազդանշանային հրթիռներ է կիրառել սահմանը հատած ռուսական ռազմական ինքնաթիռի դեմ
Քաղաքականություն
24.09.2024 | 21:50
Ճապոնական կործանիչները ներգրավել են հակազդման ինֆրակարմիր միջոցներ ռուսական Իլ-38 ինքնաթիռը որսալու ժամանակ։ Այս մասին գրում է SCMP պարբերականը՝ հղում կատարելով Ճապոնիայի Պաշտպանության նախարարությանը։
«Ռուսական Իլ-38 պարեկային ինքնաթիռը երեք անգամ խախտել է մեր օդային տարածքը Հոկայդո Ռեբուն կղզուց հյուսիս ընկած տարածքային ջրերի հատվածում»,- հայտարարել է Ճապոնիայի պաշտպանության նախարար Մինորու Կիհարան։
Ճապոնիայի իշխանությունների տվյալներով՝ Ռուսաստանի օդատիեզերական ուժերի ինքնաթիռն ամեն անգամ մոտ մեկ րոպե գտնվել է Ճապոնիայի օդային տարածքում։ Ի պատասխան՝ տագնապով օդ են բարձրացվել F-35 կործանիչները, որոնք մի քանի անգամ կիրառել են հակազդեցության ինֆրակարմիր միջոցներ։ Կիհարան նշել է, որ սա առաջին դեպքն է, երբ Ճապոնիայի ինքնապաշտպանության ուժերը նման միջոցների են դիմում։
Ռուսական ինքնաթիռի կողմից Ճապոնիայի օդային տարածքի խախտումը տեղի է ունեցել Ռուսաստանի և Չինաստանի ռազմածովային ուժերի համատեղ զորավարժությունների ֆոնին, որոնք անցկացվել են սեպտեմբերի 21-22-ը Ճապոնական ծովում։
Թարգմանությունը՝ Տաթև Ֆռանգյանի
