18.07.2026 | 22:57
Երևանի Մուրացանի փողոցում տեղի ունեցած միջադեպի վայրում դի է հայտնաբերվել
Բայրամովը հայտարարել է, թե Բաքուն Երևանին խաղաղության հաստատման օրակարգ է առաջարկել
Քաղաքականություն
24.09.2024 | 14:23
Ադրբեջանի արտաքին գործերի նախարար Ջեյհուն Բայրամովը ՄԱԿ-ի Գլխավոր վեհաժողովի 79-րդ նստաշրջանի շրջանակում մասնակցել է «Ապագայի գագաթնաժողովին»։ Իր ելույթում նա ասել է, թե «Ադրբեջանը հավատարիմ է միջազգային իրավունքին, կլիմայի փոփոխության դեմ պայքարին և կայուն զարգացմանը»։
Ադրբեջանցի պաշտոնյան ասել է նաև, թե Ադրբեջանը, իբր, բախվել է միջազգային իրավունքի խախտումների՝ նշելով «տարածքների երկարաժամկետ օկուպացիայի և դրան հաջորդած ինքնիշխանության վերականգնման» մասին։
Նա հայտարարել է, թե Բաքուն Երևանին առաջարկել է խաղաղության հաստատման օրակարգ՝ հիմնված Ադրբեջանի և Հայաստանի միջև ինքնիշխանության ու տարածքային ամբողջականության փոխադարձ ճանաչման և հարգանքի վրա:
«Ադրբեջանն ու Հայաստանը հիմք են դրել հետկոնֆլիկտային կարգավորման օրակարգին, որը հիմնված է միմյանց ինքնիշխանության և տարածքային ամբողջականության փոխադարձ ճանաչման ու հարգանքի վրա: Հիմնվելով երկկողմ բանակցությունների արդյունքում ձեռք բերված առաջընթացի վրա՝ մենք կոչ ենք անում հրատապ քայլեր ձեռնարկել մնացած խոչընդոտները վերացնելու համար և ընդգծել անհրաժեշտ քաղաքական կամքի ու պատասխանատվության դրսևորման կարևորությունը»,- ասել է Բայրամովը։
Թարգմանությունը՝ Էմմա Չոբանյանի
