27.05.2026 | 11:33
ՌԴ-ից պաշտոնական նամակ չենք ստացել. ՏԿԵՆ-ը՝ «Կոմերսանտի» հրապարակման մասին
Օմսկի դատարանը կալանավորել է 16-ամյա երկու դպրոցականներին, որոնք կասկածվում են Մի-8 ուղղաթիռը հրկիզելու մեջ
Քաղաքականություն
24.09.2024 | 14:56
ՌԴ Օմսկ քաղաքի դատարանը մինչև նոյեմբերի 21-ը նախնական կալանքի տակ է վերցրել 16-ամյա երկու դպրոցականներին, որոնք կասկածվում են Մի-8 ուղղաթիռը հրկիզելու մեջ։ Երկուսն էլ դարձել են ահաբեկչության գործով մեղադրյալներ (Քրեական օրենսգրքի 205-րդ հոդվածի 2-րդ մասի «ա», «գ» կետերով)։ Current Time-ի փոխանցմամբ՝ այս մասին հայտնում է մարզային դատարանների միասնական մամուլի ծառայությունը։
Ավելի վաղ «Baza» և «Shot» տելեգրամյան ալիքները հայտնել էին, որ Օմսկում ձերբակալել են դեռահասների, որոնք ներկայացել են որպես Ռոմա և Անտոն։ Ենթադրվում է, որ նրանք սեպտեմբերի 21-ի երեկոյան մտել են տեղի ավիաբազա, որտեղ «Մոլոտովի կոկտեյլ» են նետել Մի-8 ուղղաթիռի վրա։ Նախնական տեղեկություններով՝ տեխնիկան դուրս է գրվել։
Բերման ենթարկվելիս դպրոցականները հայտնել են, որ Telegram-ի միջոցով հանձնարարություն են ստացել, իբր, վուկրաինացի կուրատորներից», որոնք ուղղաթիռը հրկիզելու համար խոստացել են 20 հազար դոլար, բայց հետո ջնջել են նամակագրությունը և անհետացել։
Սեպտեմբերի 11-ին նման միջադեպ է տեղի ունեցել Նոյաբրսկում (Յամալ-Նենեցյան ինքնավար շրջան): Այնտեղ երկու դպրոցականներ՝ 13 և 14 տարեկան, իբր, այրել են Utair ավիաընկերության Մի-8 ուղղաթիռը՝ հանձնարարությունը կատարելու դեպքում 5 միլիոն ռուբլու վարձատրության խոստման դիմաց։ Երկուսն էլ բերման են ենթարկվել, հարուցվել է քրեական գործ։
Թարգմանությունը՝ Տաթև Ֆռանգյանի
