23.06.2026 | 14:15
Լիտվայի կառավարությունը հրաժարական է տվել
Պավել Դուրովը որոշել է հրապարակել Telegram-ի օգտատերերի տվյալները՝ իշխանությունների պահանջով
Քաղաքականություն
24.09.2024 | 11:51
Telegram-ի կանոնները խախտող օգտատերերի IP հասցեներն ու հեռախոսահամարները կարող են փոխանցվել համապատասխան մարմիններին՝ ի պատասխան ողջամիտ իրավական հարցումների: Այս մասին Telegram-ի իր ալիքում գրել է հավելվածի համահիմնադիր Պավել Դուրովը, փոխանցում է RTVI-ը։
«Այս միջոցները պետք է զսպեն հանցագործներին։ Telegram-ում որոնումը նախատեսված է ընկերներ գտնելու և նորություններ ստանալու, այլ ոչ թե անօրինական ապրանքներ գովազդելու համար»,- ընդգծել է Դուրովը։
Գործարարը դժգոհել է, որ Telegram-ից օգտվելու պայմանները խախտողները «չարաշահել են» որոնումը մեսենջերում՝ վաճառելով անօրինական ապրանքներ։ Վերջին մի քանի շաբաթվա ընթացքում արհեստական բանականության օգտագործմամբ մոդերատորների հատուկ թիմը Telegram-ում որոնումը «շատ ավելի ապահով» է դարձրել, նշել է Դուրովը։
Հայտնաբերված «խնդրահարույց» բովանդակությունն այլևս հասանելի չէ։
Telegram-ի ծառայության պայմանները և գաղտնիության քաղաքականությունը թարմացվել են ամբողջ աշխարհի օգտատերերի համար: Դուրովը կոչ է արել զեկուցել @SearchReport հատուկ բոտին որոնման մեջ «վտանգավոր կամ անօրինական բան» գտնելու դեպքում:
Հիշեցնենք՝ Պավել Դուրովն օգոստոսի 24-ին ձերբակալվել է Փարիզում։ Ֆրանսիայի դատախազության պնդմամբ՝ նա հրաժարվել է իրավապահներին տրամադրել ծանր հանցագործությունների հետաքննության համար անհրաժեշտ տեղեկատվություն, ներքաշված է եղել կիբերհանցագործությունների և փողերի լվացման մեջ։
Թարգմանությունը՝ Տաթև Ֆռանգյանի
